Isalvaw kelb marbut f’baskett tal-plastik fil-Munxar

Persuni li kienu mexjin fil-Munxar f’Għawdex salvaw kelb li kien marbut f’baskett tal-plastik li kien f’barżakka tal-karti.  

Fuq il-paġna tagħhom, l-Animal Welfare ta’ Għawdex sostnew kif ma jistgħux jemmnu kif għad hawn min jasal jagħmel dawn l-atti ta’ moħqrija. 

Spjegaw kif fortunatament kienu persuni fiż-żona li sabu lil Gigi, u salvawh minn ħalq il-mewt fejn ċemplulhom kif rawh f’dak l-istat. 

Hu nstab f’kundizzjonijiet ħżiena ħafna miżgħud bil-qamel, irqiq u fraġli u kif ukoll anemiku.  

Huma appellaw biex jekk hemm xi ħadd li jaf xi ħaġa dwar dan il-kelb u l-każ tiegħu jagħmel kuntatt magħhom.