Is-Sorijiet tal-Orsolini jagħtu l-aħħar tislima u jerfgħu t-tebut ta’ Sr Rosalia

Ritratt emozzjonali li ttella’ fuq il-midja soċjali juri numru ta’ sorijiet tal-Orsolini jagħtu l-aħħar tislima kif xieraq u jerfgħu t-tebut ta’ oħthom Sr Rosalia.

Hija mietet fis-7 ta’ Marzu li għadda, fejn kienu għexieren li sellmulha b’messaġġi sbieħ. Fosthom kien hemm Il-Madre Ġenerali Magdalene Cauchi li qalet kif “għexet u għal Mulej ħabbtet qalbha. Grazzi tal-eżempji sbieħ li dejjem rajna fik. Grazzi tal-fedeltà tiegħek, tal-imħabba li wrejt lil kulħadd; kemm lilna s-Sorijiet Orsolini (li għext fl-ghażiża Kongregazzjoni tagħna għal 72 sena), kemm lit-tfal li rabbejt u bqajt tgħożż sal-aħħar, kemm lill-familja tiegħek li tant tħobb u lil kull min jafek.”