Minkejja li l-maltemp li laqat lil Franza u pajjiżi oħra fl-Ewropa beda ibatti, is-sitwazzjoni f’Pariġi mistennija ddum ma tiġi lura għan-normal.
Għexieren ta’ persuni li jgħixu f’din il-belt jinsabu mħassba hekk kif il-livelli tax-xmara Seine neżlin bil-mod ħafna.Pumpiera apposta pruvaw jikkontrollaw l-ilmijiet li laqtu din il-belt hekk kif il-pajjiż se jibda jospita’ l-kampjonati Ewropej tal-futbol fi ftit tal-jiem oħra.
Sadanittant fil-Ġermanja kellu jitħassar l-aħħar jum ta’ festival rinomat għal mużika rock.
Numru ta’ sajjetti laqtu l-post fejn kien qed isir il-festival mużikali magħruf bħala Rock am Ring, bil-konsegwenza li mat-tnejn u disgħin elf ruħ spiċċaw diżappuntati għaliex ma setgħux igawdu l-avveniment.
