Il-Komunità tas-Seminarju Maġġuri tal-Qalb ta’ Ġesu ta’ Għawdex għadha kif temmet irtir ġewwa l-monasteru Benedittin “Holy Cross” li jinsab f’Rostervor fl-Irlanda.
Dan l-irtir huwa l-bidu ta’ sena oħra ta’ ta’ formazzjoni u edukazzjoni.
Bħalissa f’din il-komunità hemm disa’ seminaristi, fejn tnejn minnhom jinsabu msiefra barra minn Malta għal sena ta’ esperjenza u riflessjoni fl-Italja. Is-sena l-oħra ma’ din il-komunità ingħaqad żagħżugħ mill-Guatemala, Carlos Fernando Vargas Tobar.
Dawn iż-żgħażagħ huma akkumpanjati fil-mixja tagħhom mir-rettur tas-seminarju Dun Richard N. Farrugia flimkien ma’ tliet saċerdoti oħra responsabbli mid-diversi oqsma tal-formazzjoni.
