Is-seba’ plejers li lbieraħ fallew il-penalty tagħhom bejniethom jaqilgħu €50 miljun fis-sena. L-erba’ plejers Taljani jaqilgħu €13- il miljun waqt li t-tliet Ġermaniżi jaqilgħu €37 miljun.
Ironikament Schweinstiger waħdu jaqla iktar minn kemm jaqilgħu l-erba’ plejers Taljani flimkien. Ironikament ukoll, kemm jiġbdu saqajn xulxin il-Maltin, tnejn mill-plejers Taljani li fallew penalty – Pellè u Darmian – jilagħbu fil-Premier Ingliż ma’ Southampton u Manchester Utd. Zaza jaqla’ l-inqas (forsi b’hekk fallieh minkejja li kien ilu minuta biss fil-ground) €1.8 miljun fis-sena. Min-naha l-oħra Ronaldo, li wkoll s’issa falla penalty, jaqla’ €21 miljun fis-sena jew €2,500 fis-siegħa, inkluż meta jkun rieqed.
