Is-santwarju tal-qtates abbandunati, CSAF, appella għal donazzjonijiet ta’ bżonnijiet neċessarji biex ikomplu jgħinu lill-qtates li jiġu abbandunati u mingħajr saqaf fuq rashom.F’messaġġ fuq il-paġna tal-Facebook, spjegaw kif bħalissa deħlin fiż-żmien meta jitwieldu aktar frieħ tal-qtates u għalekk jiġu bżonn fost oħrajn ħalib għall-frieħ tal-qtates, kutri, ġugarelli, ikel tal-frieħ tal-qtates, ikel għall-qtates li jkun u qed jisqu lill-frieħ, hot water bottles fost oħrajn.
Spjegaw kif kull qatra tgħodd u li kull min irid jgħin jista’ billi jżur is-santwarju mit-Tnejn sal-Ħadd bejn it-8:30 – 11:00 ta’ filgħodu u l-17:00 – 19:00 ta’ wara nofsinhar.
Dawk li jixtiequ jgħinu iżda ma jistawx jipprovdu l-affarijiet imsemmija, jistgħu jagħtu donazzjoni ta’ flus permezz ta’ messaġġ bil-mowbajl:
SMS €2.33 – 5061 7353
SMS €4.66 – 5061 8069
SMS €11.99 – 5061 9243
