Is-Sibt li ġej issir Festa Sajf Selmun, miss-19:00 ‘l quddiem, organizzata mill-Assoċjazzoni Residenti Selmun bil-kollaborazzjoni tal-Kunsill Lokali Mellieħa u l-Fondazzjoni Arkeo.
Din il-festa, li se terġa’ tieħu l-ħajja grazzi għall-Assoċjazzjoni tar-residenti, se tkun favur it-tradizzjoni Maltija, l-edukazzjoni u ambjent; valuri li l-Assoċjazzjoni tisħaq fuqhom.
Se jkun hemm kant, żfin, ikel, kummiedja qasira mtella mill-Għaqda Tejatrali Selmun u marċi brijjużi minn banda lokali. Il-mistiden speċjali ta’ din l-attività se jkun Freddie Portelli.
