Kartolini, fjuri, pasti, soft-toys forma ta’ qlub jew orsijiet, fwejjaħ, kremi, u kultant għad fadal min jagħti xi ħaġa domestika. Illum jum l-omm…xi ħaġa trid tagħti lill-ommok, il-kunjata, omm uliedek jew ommijiet oħra li taf.
Għal oħrajn illum jum diffiċli, għax jaħsbu f’ommijiet jew tfal li ħallew din id-dinja jew fix-xewqa li jsiru ommijiet.
Hemm min jirkeb fuq il-karru f’jiem bħal dawn u jgħid li kull okkażjoni hija tajba biex wieħed jiċċelebra. Oħrajn jgħidu li dan kollu fieraħ, għax jum l-omm għandu jkun kuljum.
