L-Istati Uniti rrappurtat l-ewwel fatalità kawża tal-coronavirus fl-istat ta’ Washington. Il-vittma huwa raġel ta’ 50 sena li kellu kundizzjoni ta’ saħħa kronaka.
Il-President Amerikan Donald Trump qal li ma jeskludix li jiġu rrappurati aktar każijiet ta’ infezzjonijiet bil-virus, iżda l-Istati Uniti hija ppreparata għal kwalukwe ċirkostanza.
Kmieni l-Ħadd, l-Awstrajla wkoll irrapurat l-ewwel mewt fil-pajjiż, anzjan ta’ 78 sena, li kien fost il-passiġġiera fuq il-curiseliner Diamond Princess.
L-Għaqda Dinjija għas-Saħħa qalet li s’issa aktar minn 85,000 każ tal-coronavirus ġew irrappurtati f’57 pajjiż madwar id-dinja u kważi 3,000 imwiet. L-aktar imwiet u infezzjonijiet seħħew fiċ-Ċina, minn fejn beda dan il-virus.
