Meta llejla l-maġġoranza tal-Maltin ikunu qed isegwu l-Eurovision fis-salott tad-dar jew f’xi pub, żgur mhux se jieqfu l-kummenti wara kull diska. Min tgħogbu u min le, min jikkritika x-xagħar u min jikkummenta dwar l-ilbies. Xi ħaġa fuq id-doni li jkun ta l-bambin ma jonqsux ukoll.
U bħalma Ira mistennija timpressjona fi Stokkolma, l-istess se jagħmlu Luke Dalli u Paula Cauchi fuq one.com.mt. B’live blog li se jkun aġġornat b’minuta b’minuta l-avukat Luke Dalli, li hu magħruf għal mod kemm isegwi mill-qrib ix-xena tal-ispettaklu u Paula Cauchi, ġurnalista u studenta li xi ħaġa xi tgħid ikollha dejjem, se jseksku fuq dak li se jaraw.
Ovvjament, tistennewx pastażati bħal tal-Boċċa. L-avukati tagħna intelliġenti iktar minn hekk!
