L-istilla Maltija Ira Losco tirritorna Malta ilum fil-17:00 wara titjijra minn Munich.
Fl-ewwel reazzjonijiet tagħha għall-ispettaklu tal-bieraħ, Ira Losco kitbet kemm tħossha kburija bit-tim tagħha. Dan kitbitu fuq Facebook flimkien ma’ ritratt tagħha u tal-kantanta rebbieħa, Jamala.
Dlonk splodew il-kummenti tan-nies fuq Facebook, li lkoll urew appoġġ kbir lejn Ira u lejn il-fatt li l-wirja tagħha kienet stupenda.
Ira użat Facebook biex wasslet il-mumenti ta’ eċitament li kapaċi toffri il-Eurovision.
Imma forsi l-iktar ritratt li mess il-qlub huwa dan: Ira f’mument partikolari waqt li tkanta, tħares ‘l isfel lejn żaqqha. Ritratt li jfakkarna li qiegħda ġġorr tarbija.
