Fil-Palazz tal-President, il-President ta’ Malta George Vella u l-Papa Franġisku skambjaw ir-rigali lil xulxin.
Il-Papa Franġisku ta medalja li turi l-figura ta’ San Pawl Appostlu meta ġie f’pajjiżna fis-sena 60 W.K.
Fuq ix-xellug tal-figura ta’ San Pawl hemm il-Katidral u fuq il-lemin jidher is-Santwarju ta’ Pinu.
Min-naħa tiegħu, il-President ta’ Malta ta pittura fejn hemm il-figura ta’ San Pawl ukoll, bil-messaġġ mill-vers tal-Innu Malti “Seddaq il-għaqda fil-Maltin u s-sliem.”
Intant ir-rigal tal-Gvern Malti għall-Qdusija Tiegħu l-Papa Franġisku hu strument mediku li jeżamina d-demm ta’ persuni li jgħixu fil-faqar u li jużaw il-klinika pontifiċja ‘Madre della Misericordia’.
Din il-klinika hi parti mill-azzjonijiet li ħa l-Papa Franġisku biex jibdel lill-belt tal-Vatikan f’ċittadella tal-ħniena.
