Il-Ħadd 26 ta’ Marzu, plejers u delegati tal-klabb tal-futbol Ħamrun Spartans għamlu żjara fil-faċilità Korrettiva ta’ Kordin li matula lagħbu partita futbol kontra r-residenti ta’ Kordin.
F’din l-attività, il-kowċ ta’ Ħamrun Spartans Jacques Scerri preżenta flok u ballun iffirmati lill-ħabsin. Minkejja li l-partita ntlagħbet għal pjaċir u informalment, l-element kompettitiv żgur li kien hemm u kienu r-residenti tal-faċilità korrettiva ta’ kordin li rebħu din il-logħba.
L-assistent Direttur tal-Faċilità, Mariella Camilleri, rringrazzjat lil Ħamrun Spartans tad-donazzjoni tagħhom u saħqet dwar l-importanza ta’ attivitajiet bħal dawn biex ir-residenti tal-Faċilità Korrettiva ta’ Kordin jerġgħu jintegraw fis-soċjetà.
