Lokali

AĠĠORNAT: Il-qraba tar-Reġina Eliżabetta II jżuruha wara li ddaħħlet taħt superviżjoni medika

minn Nolan Camilleri
minn Nolan Camilleri

Ir-Reġina Eliżabetta II ddaħħlet taħt superviżjoni medika wara li t-tobba kkonċernathom il-qagħda ta’ saħħa tagħha.

REKLAM
SKROLLJA BIEX TKOMPLI

Fi stqarrija Buckingham Palace qal li qiegħed ikun rakkomandat li hi tibqa’ taħt din l-osservanza filwaqt li ġiet mitluba tistrieħ mit-tobba tagħha.

Bħalissa r-Reġina tinsab ġewwa l-Kastell ta’ Balmoral, l-Iskozja, li jservi bħala r-residenza tas-Sajf tagħha.

Il-qraba tagħha, inkluż il-Prinċep Harry li ħareġ mill-familja Rjali, jinsabu fi triqthom biex f’dan il-mument ikunu ħdejn il-Reġina. Qrib ir-residenza nġabru bosta persuni mill-pubbliku wkoll, jistennew l-aħħar aġġornamenti dwar saħħet ir-Reġina.

Bosta mexxejja politiċi u persuni nfluwenti fir-Renju Unit esprimew it-tħassib tagħhom lejn ir-Reġina, fost dawn kien hemm il-Prim Ministru l-ġdid Brittaniku Lizz Truss, il-Kap tal-Oppożizzjoni Keir Starmer, il-Kap tal-Demokratiċi Liberali, Sir Ed Davey, u l-Eks Prim Ministru Brittaniku David Cameron.

Eks Korrispondent tal-BBC għall-familja Rjali rrimarka kif il-mod ta’ kif tpoġġa l-kliem minn Buckingham Palace fl-istqarrija jista’ jissuġġerixxi affarijiet serji. Hawn ġie nnotat kif stqarrijiet dwar is-saħħa tar-Reġina mhux in-norma.

Bosta setgħu jinnotaw ukoll kif il-ġurnalisti tal-BBC jinsabu lebsin l-iswed għax-xandira speċjali tal-lum dwar saħħet ir-Reġina, fil-waqt li jidher il-kommossjoni fil-kamra tal-aħbarijiet tagħhom li tidher fl-isfond tax-xandira.

Intant il-President ta’ Malta fi tweet qal li qed isegwi mill-qrib l-aħħar żviluppi dwar saħħet ir-Reġina.

Nolan

Nolan ingħaqad mal-Kamra tal-Aħbarijiet ta’ ONE f’Mejju tal-2021. Jinteressa ruħu fil-politika lokali u dik internazzjonali iżda wkoll fi żviluppi kurrenti li jolqtu l-ħajja tan-nies. Fl-istudji tiegħu qiegħed jiffoka fuq l-ekonomija u l-finanzi. Lil hinn mill-ġurnaliżmu jsegwi l-Formula 1.

Stay Connected on Subscribed