Ir-Re Karlu III jinawgura l-ewwel statwa ta’ ommu wara mewtha

Ir-Re Karlu III inawgura statwa ta’ ommu, ir-Reġina Eliżabetta II, f’York Minster.

Din hija l-ewwel statwa tal-iżjed monarka li damet fuq it-tron, wara l-mewt tagħha fit-8 ta’ Settembru li għadda.

Din l-istatwa saret apposta minħabba l-Ġublew tal-Platinu li ġie ċċelebrat din is-sena f’għeluq is-70 sena minndu ħadet it-tron tar-Renju Unit.

Kienet ir-Reġina nnifisha li għażlet id-disinn ta’ din l-istatwa u kellha tiġi inawgurata f’Settembru. Iżda din l-inawgurazzjoni ġiet posposta minħabba mewtha.