Spencer Elden li għandu 30 sena qiegħed ifittex għad-danni lill-grupp ta’ fama mondjali Nirvana.
Elden huwa l-istess persuna li bħala tarbija ta’ 4 xhur kienu nġibdulu ritratti f’pixxina jaqbad karta tal-flus biex imbagħad intuża bħala r-ritratt ewlieni fuq l-album Nevermind.
Elden qed jallega sfruttar sesswali hekk kif il-ġenituri tiegħu qatt ma taw il-kunsens tagħhom biex jintuża r-ritratt.
Hu qed jallega wkoll li r-ritratt jammonta għal pornografija tat-tfal.
L-avukat ta’ Elden qiegħed jargumenta li l-fatt li ntużat il-karta tad-dollaru Amerikan tinftiehem qisu t-tifel jagħmel xogħol ta’ atti sesswali.
Il-kollezzjoni ta’ mużika bl-isem ta’ Nevermind biegħet tletin miljun kopja madwar id-dinja.
