Ġie ppubblikat il-ktieb ‘Clint Azzopardi Flores, Dak li ma qalulekx’, tal-awtur Darren Agius.
Ktieb li nkiteb bil-għan li tingħata perspettiva differenti u realistika minn dak li kien qiegħed ikun irrapurtat fil-midja waqt l-invażjoni tar-Russja kontra l-Ukrajna.
Il-ktieb jagħti sfond tal-istorja minn meta l-Ukrajna riedet toqrob aktar lejn il-politika tal-Unjoni Ewropea u dak li seħħ fl-2014. L-awtur jislet l-avvenimenti diplomatiċi ta’ kif seħħew u l-ħsibijiet dwar l-ekonomija u l-ġeopolitika, li mhumiex limitati biss għat-territorju tal-Ukrajna.
Waqt il-kunflitti bejn iż-żewġ pajjiżi, Agius xtarr li dak li kien qed jiġi mxandar fil-midja qatt ma kien miġbur u b’hekk ħareġ dan il-ktieb f’forma ta’ intervista, bl-għan li tingħata ħarsa lejn l-avvenimenti li għaddejjin fid-dinja u li qegħdin jikkundizzjonaw l-għajxien ta’ ħafna nies, minħabba deċiżjonijiet li ttieħdu fuq livell Ewropew u anke internazzjonali fejn ħafna drabi kien hemm insistenza żejda minn xi wħud.
Il-ktieb ‘Clint Azzopardi Flores, Dak li ma qalulekx’ ser ikun ukoll għall-bejgħ fil-Festa Nazzjonali tal-Ktieb bejn it-18 u t-22 ta’ Ottubru.
