Il-Pixxina tan-Neptunes Waterpolo Club għal sitt xhur fis-sena se tkun qed tissaħħan.
Dan grazzi għall-ftehim bejn Sports Malta u Neptunes club. Bi Sports Malta se tkun qed tinvesti sittin elf ewro sabiex għal spejjeż biex tkun tista tisaħħan il-pixxina.
Il-pixxina se tissaħħan bejn Ottubru u Diċembru u Marzu u Mejju. Il-President tan-Neptunes Waterpolo Club Matthew Bonello esprima s-sodisfazzjon tiegħu għal dan il-ftehim.
Bi qbil man-Neptunes Waterpolo Club, il-pixxina mhux se tkun qed tintuza biss minn Neptunes, izda ukoll minn klabbs oħrajn tal-Waterpolo u tal-għawm.
Dan minħabba li l-Pixxina Nazzjonali hija zgħira wisq sabiex jagħmlu t-taħriġ fiha l-plejers tal-Waterpolo u dawk li jagħmlu xi tip ta’ sports akwatiku.
F’ċerti ħinijiet, l-pubbliku jista jagħmel uzu ukoll mill-pixxina tan-Neptunes.
Is-segretarju parlamentari għall-isport Clifton Grima qal li issa aktar klabbs u għawwiema se jkollhom iktar postijiet fejn jitħarrġu. Grima reġa’ saħaq il-wegħda li tal-gvern; dik li jkun hemm pixxina fil-kumpless sportiv tal-Kottonera.
