“Intilfet ħajti wara tiegħu… ma kienx hawn raġel ikbar minnu.”
Hekk qalet ma’ ONE News oħt Gordon Spiteri, ir-raġel ta’ 35 sena li fis-sigħat bikrin ta’ dalgħodu tilef ħajtu traġikament minħabba nar qawwi li ħakem blokka appartamenti f’Marsaskala, u li miet waqt li kien qed jipprova jsalva sitt persuni oħra li nqabdu fin-nirien.
Oħtu Stephanie tinsab wisq emozzjonata biex titkellem quddiem kamera, iżda ma’ ONE News qalet kif issa ħuha mar jiltaqa’ ma’ missierhom.
Fuq Facebook, hija kitbet li ħuha kien kollox għaliha u ma tistax tifhem għala ġara dak li ġara. Qalet li ma tafx kif se tkampa mingħajru u li ħalla warajh uġigħ kbir.
Filwaqt li qalet li ma tistax temmen li qed tikteb dawn l-affarijiet, qalet li Alla ħadilha l-akbar djamant. Talbitu biex issa li mar jiltaqa’ ma’ missierhom, jieħu ħsiebha minn hemm fuq.
Fuq Facebook ikkummenta ukoll hu l-vittma.
