Int tista’ tkun parti mix-xandiriet ta’ ONE RADIO f’dawn iż-żminijiet ta’ festi

ONE Radio dejjem kien viċin tas-semmiegħa tiegħu u xejn anqas f’dawn iż-żminijiet ta’ festi. Din is-sena dan l-istazzjon qed jagħmel stedina lil kulħadd biex ikun parti mix-xandiriet tiegħu. Kull ma’ trid tagħmel huwa li tibgħat messaġġ b’awguri għall-festi, b’leħnek. F’dan il-messaġġ inkludi ismek u kunjomok, minn fejn inti u messaġġ qasir bl-awguri tiegħek.

Jekk tinteressak din l-idea, ibgħat ‘voice-clip’ permezz ta’ WhatsApp fuq 21244088 sat-Tnejn 6 ta’ Diċembru. Kull messaġġ li ser jidħol ser jiġi preparat biex fiż-żminijiet tal-festi ħafna awguri jkunu qed jitwasslu mis-semmiegħa numerużi ta’ ONE Radio stess.