Infrastructure Malta tlesti l-bini mill-ġdid ta’ triq prinċipali f’Tas-Sliema

L-aġenzija Infrastructure Malta lestiet il-bini mill-ġdid ta’ Triq il-Kbira, triq prinċipali f’Tas-Sliema.

Dan tħabbar f’kitba fuq il-midja soċjali, fejn intqal li din it-triq hi twila daqs grawnd u nofs tal-futbol tal-11-a-side.

Intqal li saret konsultazzjoni wiesgħa ma’ diversi entitajiet biex inbiddlu s-servizzi ta’ telekomunikazzjoni, issaħħet is-sistema għad-distribuzzjoni tad-dawl u ttejbu l-konnessjonijiet tal-ilma qabel inbniet din it-triq mill-ġdid fuq pedamenti aktar b’saħħithom.