B’investiment ta’ €9 miljun il-Malta Public Transport nediet 40 karozza tal-linja ġdida li bejniethom se jkunu qed jgħabbu 4 miljun passiġġier aktar fis-sena. Flimkien dawn il-karozzi tal-linja se jkunu qed iżidu 69,000 vjaġġ fuq diversi rotot madwar il-gżejjer Maltin.
Fl-isofond ta’ 20 xarabank mill-ġodda fil-mitjar l-antik ta’ Ta’ Qali, l-Ministru għat-Trasport Ian Borg qal li b’din iż-żieda issa l-flotta tal-karozzi tal-linja żdiedet għal 435. Borg qal li t-trasport pubbliku huwa mportanti li jkun effiċjenti u nadif. Huwa spjega li dawn il-karozzi tal-linja l-ġodda huma fost l-aktar vetturi nodfa fit-toroq Maltin hekk kif kollha jaħdmu bil-magni euro6. Il-Ministru Borg qal ukoll li l-MPT se tkun qed tneħħi għaxar vetturi antiki tad-9 metri mit-triq.
Saħaq li l-ewwel Gvern Laburista ma wiritx servizz miexi fuq ir-rubini u fakkar kif ftit snin wara r-riforma tal-Arriva l-Gvern kien wettaq riforma kbira oħra. Is-sena l-oħra MPT ġarret aktar minn 36 miljun passiġġier, żieda kbira fuq kemm ingarrew fis-sena ta’ qabel. Dan ifisser li kuljum is-sena l-oħra użaw is-servizz pubbliku 150,000 elf ruħ. Fl-ewwel sitt xhur tas-sena rajna wkoll żieda ta’ 6% ta passiġġieri li nġarru. F’Ġunju biss il-MPT ġarret 5 miljun passiġġier. B-dan l-investiment se jkunu qed iżidu wkoll rotot f’numru ta’ akwati fil-gżejjer Maltin fosthom fil-Fgura u Santa Venera.
Saħaq ukoll li minn din is-sena kull student bejn l-14 u 20 sena se jkun jista’ jivvjaġġa b’xejn fuq ir-rotot tal-Malta Public Transport. Qal li din se tkompli ddaħħal kultura fost iż-żgħażagħ sabiex jużaw it-trasport pubbliku. F’dawn il-ġimgħat se tkun qed tiġi implimentata wkoll miżura tal-baġit sabiex persuni b’Diżabbilta jkunu jistgħu ukoll jużaw is-servizz tat-trasport pubbliku mingħajr ħlas.
Philipe Cosman, Chairman tal-Autbuses De LeonQal li t-trasport pubbliku qed jevolvi. Sena ilu ġiet imnedija tal-linja bike u l-popolari ta ta din qed tiżdied ferm. TD+ huwa servizz ieħor li passiġġieri jistgħu jivvjaġġaw b’mod aktar personalizzat flimkien ma passiġġieri.fl-ahhar snin daħlu fit-toroq Maltin ħafna karozzi tal-linja ġodda u qal li bħalissa aktar minn nofs il-flotta tal-karozzi tal-linja għandhom anqas minn 4 snin. Dawn il-karozzi l-ġodda wkoll se jkollhom wifi b’xejn u usb charging ports. Sabiex ix-xufiera jkollhom aktar sigurta’ u jitnaqqsu l-episodji ta’ aggressjoni ġew installati wkoll screens tal-perspex ħdejn post ix-xufier.
Preżenti għal din it-tnedija kien hemm ukoll l-Ministru għall-Finanzi Edward Scicluna li qal karozzi tal-linja ġodda u aktar komdi se jkomplu jħarrju aktar nies sabiex juzawhom. Qal li bħalissa s-servizz ta trasport pubbliku għall-istudenti huwa b’xejn hekk kif dan huwa investiment ghall-futur. Spjega kif issa jmiss miżura soċjali oħra sabiex fis-snin li ġejjin l-anzjani kollha se jkunu jistgħu ukoll jużaw is-servizz bla ħlas.
