Il-Prim Ministru Joseph Muscat inawgura ċentru ta’ eċċellenza ġdid bl-isem Maritime MT li sar b’invesiment ta’ 4 miljun ewro f’Ħal Far.
L-investiment sar mill-koperattiva tal-piloti martittimi bil-għan li jieħu t-taħriġ marittimu f’Malta fl-ogħla livell.
Fl-inawgurazzjoni taċ-ċentru l-ġdid, il-Prim Mnistru Joseph Muscat faħħar dan l-investiment tant importanti għall-ekonomija ta’ pajjiżna.
Semma kif is-settur Marittimu jikkontribwixxi għal 12% tal-prodott domestiku gross f’Malta u jħaddem 23,0000 ħaddiem.
Il-Prim Ministru fakkar kif pajjiżna jħaddan l-ikbar reġistru marittimu fl-Unjoni Ewropea u kif f’sena ikun hemm mal-10,000 moviment li jikkontribwixxu għall-bini tal-ekonomija Maltija.
Fl-inawgurazzjoni ngħad li f’din il-binja state of the art, se jitfassal programm ta’ taħriġ għall-baħħara u għal dawk kollha involuti fis-settur marittimu fosthom il-ħaddiema fl-industrija tal-jottijiet.
Dan filwaqt li dan l-investiment jinkludi laboratorju u klassijiet spejaliżżati mgħammra b’dak kollu meħtieġ.
Il-Kaptan Jesmond Mifsud spjega kif iż-żewġ simulators f’dan iċ-ċentru mhux biss huma addattati għall-Port il-Kbir iżda anke portijiet oħra madwar l-Ewropa.
Mifsud spjega: “Addattati għall-Port il-Kbir huma żgur għax huma l-iktar fuq il-portijiet tagħna però anke portijiet oħra. Wieħed irid jifhem li dawn jistgħu jintużaw minn kulħadd. Ħadd ma għandu jibża’ jersaq għall-edukazzjoni marittima għax dawn qegħdin hemm biex jaġevolaw u jgħinuk fit-taħriġ tiegħek.”
Il-kordinatur tal-korsijiet f’Maritime MT Karl Cutajar qal l-koperattiva ser tirdoppja l-korsijiet minn 25 għal 50.
“Jekk inti bħala walk in bħalma semmejt inti. Jekk tixtieq issiefer bid-dgħajsa tiegħak personali. Tixtieq tixtri dgħajsa l-ewwel darba, tixtieq issuq id-dgħajsa tiegħek lokalment, dawk hemm courses għalihom ukoll”, stqarr Delia.
Il-Ministru għat-Trasport Ian Borg spejga kif din il-ħolma saret realtà wara li grupp ta’ piloti marittimi taw każ il-ġejjieni ta’ dan is-settur
Il-Ministru Borg qal: “Hawnekk għandek grupp ta’ piloti li ħarġu lil hinn minn niċċa tagħhom u b’sens intraprenditorjali qegħdin jimlew spazju ġewwa l-aspett tat-taħriġ, tal-edukazzjoni.”
Dr Borg saħaq fuq l-importanza li pajjiżna jkollu t-talent u l-kapaċitajiet għal dak li għandha bżonn l-industrija li dejjem qiegħda tikber f’pajjiżna.
