Fil-belt ta’ New York twaħħal screen li juri n-numru ta’ mwiet bil-Coronavirus fI-Istati Uniti. Dan l-iscreen li twaħħal f’Time Square ġie mlaqqam it-Trump Death Clock, immirat lejn in-nuqqas ta’ azzjoni li qed jieħu l-President Amerikan, Donald Trump, biex jiġġieled l-imxija tal-pandemija COVID-19 fl-Amerika.
In-numru ta’ mwiet fl-Istati Uniti qabeż it-80,000, kważi t-total ta’ mwiet tar-Renju Unit, l-Italja u Spanja f’daqqa. Fl-Amerika bħalissa hemm aktar minn 1,300,000 persuna li huma pożittivi għall-Coronavirus. Din iċ-ċifra hija 16-il darba aktar minn dik li ġiet irraportata fiċ-Ċina, minn fejn oriġina dan il-virus.
