In-nuqqas ta’ appoġġ għal Delia

L-editorja ta’ The Malta Independent innota kif Adrian Delia m’għandux l-appoġġ tal-maġġoranza tat-tesserati tal-Partit Nazzjonalista. 

Argument li sar b’mod kontinwu matul tmiem il-ġimgħa minħabba l-eluf ta’ tesserati li għażlu li ma jieħdux sehem fl-elezzjoni u li issa, saħansitra, kien sostnut minn editorjal ta’ gazzetta ewlenija li xi ftit appoġġ lil Adrian Delia tat ukoll. 

Innotat kif wara kampanja tant ħarxa Adrian Delia għadda lil Chris Said b’madwar tmien mitt vot biss. Xhieda ta’ kemm il-partit hu maqsum. U meta wieħed iqis lil kull min kellu dritt għal vot, Delia kiseb l-appoġġ ta’ inqas minn erbgħin fil-mija. 

“M’aħniex inġebbdu l-affarijiet. Dan hu l-kejl tas-sitwazzjoni reali,” qal l-editorjal ta’ The Malta Independent. 

Referenza wkoll għall-ewwel diskors tiegħufuq Net Television il-Ħadd filgħodu fen qabbel il-ħatra tiegħu mal-Indipendenza u s-sħubija ta’ Malta fl-Unjoni Ewropea. “Bl-ebda mod ma tista’ tqabbilhom mal-ħatra ta’ kap ta’ partit,” qal l-editorjal ta’ The Malta Independent dwar dawn iż-żewġ ġrajjiet storiċi. 

Filwaqt li l–istess editorjal jinnota wkoll l-isfida ta’ Delia biex jieħu l-pożizzjonijiet tiegħu fid-dawl ta’ dawk meħuda minn ta’ qablu.