In-numru ta’ mwiet fiċ-Ċina kawża tal-Coronavirus tela’ għal 81 filwaqt li kważi tlett elef persuna huma konfermati milquta mill-virus.
Il-belt ta’ Wuhan, li rat il-bidu ta’ dan il-virus tinsab magħluqa filwaqt li bosta bliet oħra qed iwaqqfu l-ivjaġġar minn u lejn il-belt.
F’Shangai il-gvern qed iwaqqaf lill- ħaddiema tan-negozji milli jirritornaw lejn ix-xogħol sal-għaxra ta’ Frar.
Intant, id-direttur ġenerali tal-Għaqda Dinjija tas-Saħħa, Tedros Adhanom Ghebreyesus, jinsab f’Beijing biex jiddiskuti l-firxa tal-virus mal-Gvern ċiniż u esperti tas-saħħa.
