In-neputija ta’ Mussolini bl-aktar ammont ta’ voti fl-elezzjonijiet lokali ta’ Ruma

Rachele Mussolini, li tiġi n-neputija tal-eks dittatur faxxista Benito Mussolini kisbet l-akbar ammont ta’ voti fl-elezzjonijiet lokali ta’ Ruma.

Hija kkontestat dawn l-elezzjonijiet f’isem il-partit tal-lemin estrem, Fratelli d’Italia.

Rachele Mussolini ġabet aktar minn 8,200 vot.

F’intervista ma’ gazzetta Taljana, Rachele Mussolini xejnet ir-riżultat li kisbet minħabba kunjomha.

Missier Rachele, Romano huwa r-raba’ tifel tad-dittatur faxxist.

Oħt Rachele, Alessandra serviet bħala Membru Parlamentari Ewropew bejn l-2014 u l-2019.