In-Nazzjonijiet Magħquda tikkundanna l-attakk li ħalla 70 mejta

In-Nazzjonijiet Magħquda kkundannat l-attakk fatali mill-ajru li sar fuq ħabs fil-Yemen, fejn ħalla minn tal-inqas 70 vittma.

Intant, il-koalizzjoni mmexxija mill-Arabja Sawdija ċaħdet rapporti li kienet hi li ordnat l-ibbumbardjament.

Fil-fatt il-Ministru għas-Saħħa Taha al-Motawakel, akkuża lil din il-koalizzjoni li immirat dan l-attakk lejn nies ċivili fil-Yemen.