Minn tal-inqas erba’ persuni tilfu ħajjithom fl-Awstralja wara inċident fuq waħda mir-rikbiet fil-park tad-divertiment Dreamworld fil-Gold Coast. Il-Pulizija ta’ Queensland iddeskriva l-inċident fil-park bħala wieħed kritiku. Dreamworld huwa l-ikbar park tad-divertiment fl-Awstralja, b’aktar minn ħamsin attrazzjoni għall-familja kollha. Fi stqarrija li ħarġet ftit tal-ħin ilu mill-amministrazzjoni tal-istess park, kienu kkonfermati tlett’imwiet.
