Sir Frank Williams, il-fundatur tat-tim tal-Formula 1 ‘Williams Racing’, miet fl-età ta’ 79 sena.
Hu ddaħħal l-isptar il-Ġimgħa li għadda u l-kumpanija Williams qalet li miet fil-paċi mdawwar b’familtu.
Il-kumpanija qalet ukoll li Sir Williams kien persuna maħbub li kapaċi jispira.
Taħt it-tmexxija tiegħu, it-tim Williams rebaħ il-kampjonat tas-sewwieqa għal seba’ darbiet filwaqt li rebaħ il-kampjonat magħruf bħala ‘Constructors’ Championship’ għal disa’ darbiet.
Lura fl-2019 Sir Frank Williams immarka l-ħamsin sena tiegħu bħala l-mexxej tat-tim tal-Formula 1.
It-tim Williams irnexxielu jirbaħ l-ewwel tellieqa tiegħu lura fl-1979 fil-Gran Prix Brittaniku f’Silverstone.
Fl-1986, Sir Williams kien sofra ġrieħi fis-sinsla ta’ daru f’ħabta bil-karozzi li minħabba fiha sfortunatament ma baqax jimxi.
