Miet l-attur komiku Taljan Paolo Villaggio, magħruf l-aktar għal karattru li huwa magħruf sew magħna l-Maltin, dak ta’ Fantozzi. Villaggio miet f’Ruma fl-eta ta’ 84 sena, wara li qatta diversi jiem fil-Klinika Gemelli għall-kura.
Imwieled f’Genoa nhar it-30 ta’ Diċembru tal-1932, Villaggio kien jinterpreta l-parti ta’ karattri abbinati mal-kummiedja paradossa u grotteska, bħall-Professur Kranz, Giandomenico Fracchia u l-famuż accountant Ugo Fantozzi.
