Tħabbret il-mewt ta’ John Grech, missier il-Kap tal-Partit Nazzjonalista, Bernard Grech.
Il-mewt tiegħu tħabbret proprju dalgħodu hekk kif ħalla din id-dinja fl-età ta’ 90 sena.
Fuq Facebook il-Kap tal-Oppożizzjoni, Bernard Grech, qal kif missieru dejjem kien jgħidlu li qed iħossu tajjeb meta mistoqsi kif inhu, anke jekk saħħtu kienet qed tbatti. Fl-istess messaġġ hu sellem lil missieru u rringrazzjah ta’ kollox.
Intant fuq Facebook, il-Prim Ministru Robert Abela wassal il-kondoljanzi sinċiera tiegħu lill-Kap tal-Oppożizzjoni għat-telfa ta’ missieru.
Fi stqarrija l-Partit Laburista sellem il-memorja ta’ John Grech fejn wassal il-kondoljanzi lill-familja Grech.
Il-President ta’ Malta, George Vella, ta l-kondoljanzi tiegħu wkoll lill-familja Grech.
It-tim ta’ ONE News jixtieq iwassal il-kondoljanzi tiegħu lill-familja Grech.
