Imut Michael Vassallo, l-artist li kien ipinġi b’ħalqu

Miet Michael Vassallo, l-artist mis-Siġġiewi li kien ipinġi b’ħalqu.

Kien matul il-marċ tal-festa tas-Siġġiewi, 36 sena ilu, li Vassallo kellu inċident sfortunat, li biddillu mument ta’ pjaċir u tgawdija f’biki u dispjaċir. Meta kien qed jaqbeż mal-marċ ta’ San Nikola, dawk li refgħuh spiċċaw waqqgħuh. B’konsegwenza, Michael kellu jibda juża s-siġġu tar-roti.

F’intervista li kien għamel ma’ dan l-istazzjon huwa stqarr li minn dik il-ġurnata, ħajtu nbidlet minn lejl għan-nhar.

Bosta jammiraw w lil dan ir-raġel għaliex minn din l-esperjenza rnexxielu joħroġ talent li llum-il ġurnata jibqa’ magħruf għalih.

Michael pitter bosta pitturi b’ħalqu, hekk kif kien spjega li t-tpinġija tagħtu skop ġdid f’ħajtu u tagħtu tama ġdida.