It-tenur, preżentatur kif ukoll l-ewwel chairman tal-Orkestra Nazzjonali ta’ Malta Lino Gatt ħalla din id-dinja dalgħodu fl-età ta’ 80 sena.
Studja l-mużika fil-Guildhall Academy of Music and Drama ta’ Londra, u għal xi snin għallem ukoll fil-Manoel Theatre Academy of Dramatic Arts.
Gatt kien wieħed mill-ewwel preżentaturi ta’ Radju Malta, meta twaqqaf mill-Awtorità tax-Xandir fl-1973.
Kien ukoll l-ewwel vuċi li nstemgħet fuq Radju Malta 2.
Fit-Teatru Manoel, Lino Gatt okkupa l-kariga ta’ direttur fuq il-bord, u kien ukoll l-ewwel Chairman tal-Orkestra Nazzjonali.
Lino Gatt kien jgħix fin-Naxxar.
