Illum waranofsinhar tħabbret il-mewt tal-eks Chairman ta’ ONE, Renald Dalli, fl-età ta’ 77 sena.
Huwa kien Chairman ta’ ONE Productions Ltd fil-bidu tas-snin elfejn. Kien ukoll President tal-Partit Laburista, l-Għaqda Żgħażagħ Soċjalisti u ċ-Ċentru Laburista ta’ Raħal Ġdid.
Kien involut sew fil-lokalità ta’ Raħal Ġdid, tant li kien ukoll kunsillier f’din il-lokalità bejn l-2007 u l-2012, u għal ħafna snin kien President taċ-Ċentru Laburista ta’ Raħal Ġdid. Kien President Onorarju tas-Socjetà Filarmonika De Paule.
Kien ukoll membru fil-Ground Management Board tal-grawnd tal-Hibs f’Kordin, illum Tony Bezzina Stadium.
L-aħħar tislima lil Renald Dalli se tingħata nhar l-Erbgħa li ġej fl-10am fil-Bażilika ta’ Kristu Re f’Raħal Ġdid.
F’isem l-istazzjonijiet ONE nagħtu l-kondoljanza tagħna lill-qraba u l-ħbieb ta’ Renald Dalli.
