Tħabbret il-mewt tal-attur Val Kilmer fl-età ta’ 65 sena. Huwa kien l-aktar magħruf għall-parti tiegħu fil-films ‘Top Gun’ u ‘Batman Forever’.
It-tifla tiegħu Mercedes qalet lill-midja Amerikana li huwa miet nhar it-Tlieta f’Los Angeles kawża ta’ pnewmonja. Żiedet tgħid li fl-2014 missierha kien ittrattat għall-kanċer tal-ġerżuma iżda kien fieq ftit taż-żmien wara.
REKLAM
SKROLLJA BIEX TKOMPLI
Fl-2021, Kilmer kien ħareġ dokumentarju dwar is-sabiħ u l-ikrah tal-karriera tiegħu b’aktar minn 40 sena ta’ vidjows mill-ħajja personali inkluż dawk waqt ir-rikupru tal-marda li kellu.
Riċentament huwa kien reġa ħa sehem fir-rwol tiegħu bħala l-pilota Iceman flimkien ma’ Tom Cruise fil-film li ħareġ fl-2022 Top Gun: Maverick.
