L-attur Amerikan Michael K. Williams miet fl-età ta’ 54 b’suspettat b’overdose.
L-istilla tas-serje The Wire nstab mejjet fl-appartament tiegħu fi New York.
Midja Amerikana qiegħda tirrapporta li l-aħbar ta’ overdose għadha mhix konfermata.
Dan filwaqt li kelliem għad-Dipartiment tal-Pulizija fi New York qal li rċivew talba għall-għajnuna għall-ħabta tas-sagħtejn ta’ waranofsinhar li wasslithom biex imorru dritt lejn l-appartament ta’ Williams fi Brooklyn.
Williams li huwa attur ċelebri kemm-il darba tkellem fil-beraħ dwar il-battalja li kellu mad-droga tul is-snin.
Huma bosta l-atturi u ħaddiema fis-settur artistiku li wrew sens ta’ dieqa fuq il-midja soċjali għat-telfa ta’ Williams.
