L-attur ta’ fama mondjali Christopher Plummer magħruf għall-parti li ħadem fil-film ‘The Sound of Music’ bħala Captain Von Trapp, miet fl-età ta’ 91 sena.
L-attur Kanadiż miet fid-dar tiegħu f’Conneticut.
Il-manager u wieħed mill-akbar ħbieb tiegħu, Lou Pitt ddeskriva lil Plummer bħala raġel straordinarju li ħabb u rrispetta l-professjoni tiegħu.
Kompla jgħid li Plummer huwa teżor nazzjonali li permezz tal-arti u l-umanità tiegħu mess il-qalb ta’ bosta.
