L-attur Amerikan Ron Ely, magħruf l-aktar bħala Tarzan fis-serje televiżiva tas-snin sittin li ġġib l-istess isem, miet fl-età ta’ 86 sena.
Dan tħabbar minn bintu Kirsten Casale Ely fuq post ta’ Instagram.
Tarzan oriġinarjament kien intwera fuq l-NBC bejn fl-1966 u l-1968 fejn matul il-ġbid ta’ dan is-serje, l-attur prinċipali kien irrappurtat li kemm-il darba kiser numru ta’ għadam u anke ġie attakkat minn annimali hekk kif ma kienx juża stunt man għax-xeni tiegħu.
Fi snin tmenin huwa deher f’serje televiżivi popolari oħra inkluż Love Boat u flimkien ma’ Lynda Carter f’Wonder Woman.
Meta rtira bħala attur fl-2001, Ely ippublika żewġ novelli iżda fl-2014 irritorna fuq it-televiżjoni fil-film Expecting Amish.
Huwa miet f’daru f’Kalifornja nhar id-29 ta’ Settembru.
