Tħabbret il-mewt tan-Nutar Qormi Antoine Agius.
Agius li kien maħbub minn bosta, huwa il-Fundatur tal-Għaqda Soċjo-Mużikali Aniċi, fejn serva għal diversi snin bħala President tagħha. Illum bintu tmexxi din l-Għaqda Mużikali.
In-Nutar Agius kien ukoll involut fil-politika, hekk kif fl-1987 kien kandidat f’isem il-Partit Nazzjonalista.
Intant, kienu diversi li bagħtu l-kondoljanzi tagħhom, fosthom l-Għaqda Mużikali li bagħtet il-kondoljanzi lill-President Claudia Muscat u l-familja Agius.
Huwa kiteb ukoll numru ta’ kotba ta’ natura storika fosthom dwar il-mażunerija f’pajjiżna u kien kollezzjonist kbir tal-arti sagra.
Ftit tal-ġimgħat ilu meta tħabbret il-mewt tas-Sindku maħbub Renald Falzon, Agius kien minn tal-ewwel li sellem il-memorja ta’ Falzon.
