Tard ilbieraħ filgħaxija tħabbret il-mewt ta’ Lesley Gladwish, attur u preżentatur fuq ONE Radio.
Huwa miet fl-għomor ta’ 80 sena.
Lesley beda l-karriera tiegħu fuq ir-radju snin ilu ma’ Xandir Malta, imbgħad kien ingħaqad ma’ ONE Radio.
Hu flimkien Joe Bartolo kien jippreżenta l-programm ta’ mużika country bl-isem ONE Country kull nhar ta’ Sibt bejn l-10.00pm u nofsilejl.
Nhar is-sibt li għadda kien l-aħħar programm li xandar Lesley.
Kienu bosta l-kollegi ta’ Lesley fuq ONE Radio li esprimew id-dieqa tagħhom għal din l-aħbar, fosthom il-Kap ta’ ONE Radio Clint Bajada fejn sellem il-memorja tal-preżentatur, li kien ta’ kumpanija għal bosta li jsegwu dan l-istazzjon matul il-lejl.
Anke l-kollega u preżentatur David Muscat esprima s-sobgħa tiegħu għal din l-aħbar, fil-fatt, fuq FB ukoll sellem il-memorja tal-kollega, li għal dawn l-aħħar seba’ snin ippreżenta l-programm sbieħ il-Ħadd filgħodu, wara li jtemm il-programm tiegħu Lesley.
F’isem it-tim kollu ta’ ONE News nibagħtu l-kondoljanzi lill-qraba u ħbieb ta’ Lesley.
