Miet il-moħħ wara l-karattru famuż mondjali SpongeBob Squarepants, Stephen Hillenburg, fl-età ta’ 57 sena.
Kien proprju lbieraħ filgħaxija li tħabbret il-mewt ta’ Hillenburg bil-kawża tal-mewt tkun l-ALS – liema dijanjożi ġiet żvelata lura f’Marzu tas-sena li għaddiet.
SpongeBob Squarepants hu karattru famuż sew fid-dinja tal-cartoons, l-aktar mat-tfal, bil-programm kien jixxandar fuq Nickelodeon.
F’messaġġ fuq Facebook, Nickelodeon esprima d-dispjaċir għat-telfa ta’ Hillenburg wara battalja kontra l-ALS bil-karattri oriġinali li ħoloq se jibqgħu mfakkra u popolari ma’ bosta.
