Miet il-kompożitur Malti Sammy Galea.
Sammy Galea li jiġi r-raġel ta’ Doreen Galea miet fl-età ta’ 86 sena.
Pjanista u mill-Floriana, Sammy Galea tgħallem il-mużika fil-Konservatorju Mużikali ta’ Santa Ċeċilja f’Ruma.
Fl-1993, Galea kien l-ewwel kompożitur li kiteb musical Malti għat-tfal bl-isem ta’ ‘Il-Ħanut tal-Ġugarelli’.
Huwa kiteb il-kanzunetta ta’ Renato li biha pparteċipa fil-Eurovision Song Contest fl-1975 bl-isem ta’ ‘Singing This Song’.
It-tliet uliedu Dominic Galea, Benedict Galea u Manolito Galea huma wkoll mrawwmin fil-mużika.
F’ONE Tribute, l-istazzjon ONE kien irrikonoxxa l-kontribut mużikali li ta l-kompożitur Sammy Galea li dejjem kien magħruf għall-umiltà u l-ftit kliem tiegħu.
Fuq kollox dejjem kien jgħożż l-imħabba li kellu lejn martu.
