Il-kantant ta’ Linkin Park, Chester Bennington, miet fl-età ta’ 41 sena.
Hu mifhum li l-kantant sfortunatament neħħa ħajtu b’idejh. Hu nstab fir-residenza privata tiegħu għall-ħabta tal-17:00 ta’ wara nofsinhar.
Midja barranija sostniet li Bennington kien qrib ħafna tal-kantant Chris Cornell, il-kantant tal-grupp mużikali Soundgarden, li neħħa ħajtu b’idejh lura f’Mejju. Illum Cornell kieku kien jagħlaq 53 sena.
Il-grupp mużikali Linkin Park ifforma lura fl-1996 fejn għamlu ‘l fuq minn 70 miljun bejgħ madwar id-dinja. Il-grupp mużikali għandhom żewġ Grammy Awards.
Huma bosta segwaċi li ma jistgħux jemmnu b’din l-aħbar fejn qed iħallu messaġġi ta’ dieqa fuq pjattaformi tal-midja differenti.
