Is-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima, bagħat il-kondoljanzi tiegħu lill-qraba u ħbieb tal-ġurnalist sportiv veteran Alex Vella, li miet fl-età ta’ 75 sena.
Alex Vella għal snin sħaħ irrapporta diversi dixxiplini sportivi, fosthom il-football Malti u l-waterpolo, l-aktar mal-gazzetta Times of Malta.
Vella kien għadu jagħmel ukoll xi xogħol fl-uffiċċju tal-komunikazzjoni tal-Malta Football Association. Vella jibqa’ magħruf ukoll għall-kitba eċċellenti tiegħu fil-lingwa Ingliża.
