Imut id-drummer tal-grupp mużikali Foo Fighters

Tħabbret il-mewt ta’ Taylor Hawkins, id-drummer tal-grupp mużikali ta’ fama mondjali, Foo Fighters.

Hawkins miet fl-età ta’ 50 sena fejn kien il-grupp mużikali stess li ħabbret din l-aħbar li ħalliet lil eluf kbar ta’ fanatiċi mnikkta.

F’messaġġ li għamlu, spjegaw kif jinsabu mnikkta ferm b’din l-aħbar traġika u bit-telfa ta’ wieħed minnhom. Huma qalu kif l-ispirtu tiegħu fil-qasam mużikali se jibqa’ jidwi filwaqt li t-tbissima tiegħu se tibqa’ mfakkra f’qalb ta’ kull min kellu l-privileġġ li jsir jafu.