Għal-sena oħra, ġiet imnedija t-tmien edizzjoni tal-Gozo Ceramics Festival li se jkun qed jittella’ fl-ewwel jum ta’ Awwissu fil-bajja tax-Xlendi,
Ħabbar dan il-Ministru għal Għawdex Clint Camilleri, fejn qal li dan il-festival minn 30 mill-aktar artisti taċ-ċeramika famużi se jesibixxu l-arti u l-artiġjanat differenti tagħhom waqt li juru t-tekniki differenti li jużaw.
Camilleri saħaq li dan il-festival huwa okkażjoni unika fejn wieħed ikun jista’ jara lill-artisti joħolqu x-xogħlijiet dak il-ħin.
F’dan il-festival se jkun hemm ukoll mużika live minn mużiċist li se jkunu jakkumpanja lill-artisti.
Il-bajja tax-Xlendi se tinxegħel b’torchlight fuq in-naħa tal-irdum sabiex tinħoloq atmosfera romantika għall-viżitaturi kollha.
Se jkunu pprovduti wkoll tuk tuk għall-park and ride.
Ritratti: MGOZ
