Wara li l-Gvern ħabbar serje ta’ miżuri fil-baġit li għadda, l-Awtorità tal-Ippjanar nediet skema ta’ għotja – Irrestawra Darek – sabiex tassisti aktar fir-riġenerazzjoni tal-qalba tal-Irħula. Permexx ta’ din l-iskema l-Awtorità qed tfittex li tippromwovi l-Investiment fir-restawr, konservazzjoni u manutenzioni ta’ proprjetajiet residenzjali privati li jinsabu ġewwa ż-żona ta’ Konservazzjoni Urbana (UCA) u binjiet skedati fi Grad 1 u Grad 2.
Taħt din l-iskema, first-time buyers ta’ binjiet residenzjali skedati fi Grad 1 u Grad 2, jistgħu japplikaw għar-rifużjoni ta’ 70% tal-ispejjeż tax-xogħol tar-restawr u konservazzjoni fuq il-faċċata u l-intern eliġibbli sa massimu ta’ €100,000. Minn naħa l-oħra first-time buyers ta’ binjiet residenzjali li jinsabu ġewwa żona ta’ Konservazzjoni Urbana (UCA) jistgħu japplikaw għar-rifużjoni sa massimu ta’ €10,000.
L-iskema hi miftuħa wkoll għal proprjetarji ta’ resident privati li jinsabu ġewwa żona ta’ Konservazzjoni Urbana (UCA), li jixtiequ jagħmlu xogħol ta’ restawr u manutenzjoni fun il-faċċata tal-binja antika tagħhom. Proprjetarji ta’ dawn it-tip ta’ resident jistgħu japplikaw għal rifużjoni ta’ 70% fuq xogħlijiet, sa massimo ta’ €10,000. Fir-rigward ta’ binjiet skedati fi Grad 1 jew Grad 2, l-iskema ta’ għotja tipprovdi rifużjoni sa maux aktar minn massimu ta’ €100,000.
Din l-iskema, li ser tibda mis-16 ta’ Jannar 2017, ser tkun disponibbli sa massimouta’ €8 miljuni fuq bażi first come first served sat-30 ta’ April 2017. Ix-xogħlijiet irid ikollhom permess ta’ żvilupp u jrid jibda wara l-1 ta’ Jannar 2017. Ikun hemm bżonn l-irċevuti fiskali.
L-Awtorità nediet ukoll Fond tal-Ippjanar ġdid li ser jikkonsolida l-fondi eżistenti kollha li jinkludu l-Fond għar-Riġenerazzjoni Urbana (UIF) u l-Iskema tal-Ħlas tal-Parkeġġ għas-Sewwieqa (CPPS) li jinġabru minn permessi taż-żvilupp u jkunu disponibbli għal proġetti li ser jitwettqu ġewwa l-komunità. Il-Fond tal-Ippjanar ġdid se jingħata wkoll żieda ta’ €13-il miljun mill-miżati ġġenerati mill-Awtoritża mill-proċess tar-Regolarizzazzjoni.
L-għan ta’ dan il-fond il-ġdid hu li jwessa’ l-iskop tiegħu u għalekk tingħata aktar flessibiltà għal liema proġetti jikkwalifikaw għal fondi. Barra minn hekk, il-Fond mhux ser ikun restritt għall-Kunsilli Lokali biss iżda ser ikunu jistgħu japplikaw għal fondi, permezz tal-Kunsill Lokali, entitajiet tal-Gvern, NGOs u s-settur privat ukoll.
Il-fondi taż-żewġt inizjattivi huma disponibbli mill-Awtorità mill-miżati li tiġġenera mill-proċess tal-applikazzjoni tar-regolazzizzjoni. Il-proċess tal-applikazzjoni tar-regolizzazzjoni tipprovdi proprjetarji b’oppotunità ta’ darba li jirregolarizzaw żvilupp eżistenti li ma jistax ikun sanzjonat u mhux konformi, li jinsab ġewwa l-konfini tal-iżvilupp.
