Marlon Baldacchino, ta’ 19-il sena minn Ħaż-Żabbar ġie mmultat €800 wara li nstab ħati li kien fil-pussess tad-droga kannabis u kokaina.
Fil-Qorti nstema’ kif Baldacchino kien arrestat lura f’Novembru tas-sena l-oħra, meta kien l-ispettur Lydon Zammit beda jistenna lil Luke Vella sabiex jiffirma l-għassa. Meta Vella wasal fl-għassa, l-ispettur Zammit ra lil Baldacchino fil-karozza ta’ Vella jrembel sigarett. L-ispettur Zammit mar fuq il-karozza ta’ Vella, fil-pront Baldacchino jgħid lill-ispettur li dak li beda jrembel ma’ kienx tiegħu. Minn tfittxija fil-karozza nstab li fil-karozza kien hemm id-droga. Baldacchino ġie arrestat immedjatament.
Fil-Qorti nstema’ kif instab li kien hemm 0.17 gramma ta’ kokaina, b’purita ta’ madwar 15%. Fis-sigarett li kien qed irembel kien hemm biċċiet ta’ droga kannabis.
