Is-Sindku tal-Floriana, Davinia Sammut Hili, esprimiet sodisfazzjon għal mod kif kien organizzat l-Isle of MTV ta’ din is-sena għalkemm għamlitha ċara li jekk is-sena d-dieħla jerġa’ jsir hemm bżonn li jerġa’ jkun hemm diskussjonijiet minn kmieni bejn in-naħat kollu biex ikun hemm titjib.
Dan għax il-komunita tal-Floriana terfa’ ħafna mill-piż ta’ dan l-avveniment internazzjonali tant li din is-sena l-Kunsill Lokali ngħata wkoll għotja finanzjarja.
F’kumment ma’ one.com.mt Sammut Hili rreferiet għat-tindif fil-pront li sar. Fil-fatt f’lejl wieħed inġabru disa’ tunnellati u nofs ta’ skart meta s-sena li għaddiet inġabru ħdax – il tunnellata.
